Jaruri Documents India mein Business Start Karne Ke Liye

Jaruri Documents India mein Business Start Karne Ke Liye

Spread the love

India mein business shuru karne se pehle ye important hai ki aap samajh le business shuru karne se pehle kaun se document aapko jaruri hongi isse aapko ye help hogi ki aap apne business ko jald se jald shuru kar payenge aur legal issues se bach paaenge.

India Mein Business Shuru Karne Ke Liye Jaruri Documents

Documents

Alag alag business ko start karne ke liye alag alag documents ho sakte hain. Aur aaj hum baat karne wale hain documents jo ek company register karne ke liye jaruri hongi india mein. 

Aur agar aap ek freelancer ya individual owner hai to aapke liye documents alag hongi. 

Shareholder Agreement 

Agar aapko pata nahi shareholders kaun hote hain to main bata dun har ek company mein bahut sare log hote hain jinhone us company mein invest kiya hota hai un logon ko hum share holders kahate hain. 

Agar aap ek company ke share khareed lete hain to indirectly aap bhi use company ke owner ho jaate hain aur aap bahut sare decision making main bhi participate kar sakte hain. 

Ek company aur ek share holder ke bich mein jo agreement hota hai use agreement ko hum shareholder agreement kahate hain. 

Ish agreement mai shareholders ke sab rights power aur provisions likhe hote hain. 

Ye agreement ye insure karta hai ki koi bhi company apni share holders ke sath galat na kare or koi bhi company rules break na kare. 

Long run me agar company ke shareholders ke bich mein kuch bhi problem hoti hai to ye document bahut helpful hoti hai un problems ko solve karne ke liye.

Shareholders agreement kaise banaye? 

Koi bhi lawyer ya legal expert aapki help kar sakta hai shareholders agreement banwane mein. 

Shareholder agreement mein kya likha hota hai?

  • Ek shareholder kitni proportion mein share hold karne wala hai. 
  • Agar new shares issue hote hain to kya purani share holders ko kuch benefits milega.
  • Kya shares ke different classes honge different category ke share holders ke liye. 
  • Kya board of directors shares ki insurance ko rok sakte hain, aur kya hua share ke transfer ko rok sakte hain. 
  • Shares ko transfer karne ke liye kaun se rules hai. 
  • Agar kuch dispute hota hai to use rokane ka tarika, aur exit policy mentioned ho. 

Founders Agreement

Founders

Aapane bahut baar dekha hoga ki ek business ke piche 2, 3 ya usse bhi jyada co-founders hote hain. Founders agreement ek official contract hai jispar har co-founder ka signature hota hai. 

Ya document ye batata hai ki har co-founder ke kaun si kaun si responsibilities hai aur kaun kaun kitna company ko own karta hai aur unke initial investments kitne the. 

Aur ye bahut hi important hai ki aap is agreement ko apne initial stage mein hi banva len aur apne pass ek written format document jarur rakhen. 

Founders agreement kaise banaye?

Founders agreement bhi same share holders agreement ki tarah aap apne lawyer se banva sakte hain ek stamp paper per. 

Ab thoda ye bhi jaan lete hain ki founders agreement mein aakhir likha kya hota hai?

  • Business ka definition.
  • Sab founders ke initial capital ka detail. 
  • Ownership ka details
  • Sabke roles or responsibilities business mein. 
  • Compensation ya salary sabhi founders ke. 
  • Exit formalities ke details.
  • Dissolution.
  • Aur kuch jaruri rights and dispute resolution details. 

Certificate of incorporation

Jaise jab ek baby ka janam hota hai to uska birth certificate banaya jata hai vaise hi business mein jab bhi ek company create hota hai to uska ek Certificate Of Incorporation banaya jata hai. Ye ek legal document hai jo aapke business start karte waqt jaruri hogi. 

Certificate of incorporation mein kya likha hota hai?

  • Company ke name aur kuch details. 
  • Business ka propose. 
  • Company ka registered address for agent ka address.

Certificate of incorporation kaise banaye

Step 1: Director Identification Number (Din) 

Companies act 2006 ke hisab se har director ko din banana compulsory hai. Aap mca ke website pay form fill up kar sakte hai. 

Step 2: Digital Signature Certificate (Dsc)

Information act 2000 ke hisab se aapko apna Dsc submit karna hi hoga authentication ke liye aur ye ek quick solution hai apne document ko jaldi banvane ka. 

Step 3: Ek Application Company Incorporation Certificate Ke Liye. 

At last aapko apni company ka location/address dena hoga phir company directors, manager and secretary ke details. Aur aapko form 1, form 18 and form 32 fill karne honge.

Sab forms summit karne ke bad mca aapke form ko review karenge aur uske bad ek confirmation mail aaega aapke inbox mein approval ke regarding. 

No Objection Certificate (Noc)

Jab bhi aap agar ek second hand bike ya car lete hain ya phir koi ek loan lete hain bank se to apne jarur noc document sign kiya hi hoga. 

No objection certificate (noc) ek aisa document hai jo ek company, indivisual ya fir koi corporation issue karta hai. ye ek legal document hai jis mein bahut sare details diye hote hain aur donon parties se sign hua hota hai. 

No objection certificate (noc) kaise banaye

Aap ek noc ka templates le sakte hain jo aapka lawyer use kar sakta hai. Use aap koi bhi stamp paper ya koi bhi letterhead print karke use kar sakte hain. 

Company Pan Card

Pan Card

Pan card ka full form hai Permanent Account Number, ye ek bahut hi important document hai apne business ko start karne ke liye. Aap agar ek individual hai ya phir partnership firm, private limited company aur sole proprietorship aapke liye ek bahut important document hai. 

Jaruri Documents Company Pan Card Banaye Ke Liye

  • Address proof
  • Certificate of incorporation ka copy
  • No objection certificate ka copy

Tin Number

Tax Identification Number ek unique number hai jo har business ko allot hota hai Commercial Tax Department Of The State ki or se ye ek 11 digit number hota hai jo har ek business ka identity batata hai aur jo ki registered hota hai under VAT goods and services trade krne k liye. 

Jaruri Documents Tin Number Banaye Ke Liye

  • Identity proof
  • Address proof
  • Business ka address proof
  • Proprietor ka pan card
  • 4 se 6 passport sized photographs proprietor ka

Tin Number Kaise Banaye

  • State government ke VAT portal pe sign up kar lijiye ek unique id se
  • Form fillup kar dijiye aur required documents upload kar dijiye. 
  • Ye application verify hota hai Commercial Tax Department, uske bad aapko tin number allot ho jata hai. 
  • Last mein ek VAT inspector aapke diye gaye address pe aakar final verification karta hai uske bad aapko certificate mil jata hai. 

Non-disclosure Agreement

Non-disclosure Agreement ek contract hai between two parties jismein likha hota hai ki donon parties business ke sensitive information ko kisi aur ke sath share nahi kar sakte hain. ye document isliye banaya jata hai taki aapke business ki koi bhi aise information leak na ho jaaye. 

Non disclosure agreement(nda) kaise banaye

Aap ye document apne business lawyer se banwa sakte hain, ye koi jaruri nahi hai ki is document ko aap stamp paper per hi banvae aap isko ek normal letterhead per bhi banva sakte hain aur use per donon party ke signature ho. 

GSTIN

Aaj ki date mein gst compulsory hai agar aap ka business ka annual turnover 20 lakh se upar hai to. Gst ek 15 digits number hai jo aaj ki date mein har ek taxpayer ke pass hoga. Or kya aapko pata hai GSTIN apko help kar skta hai business loans lene mai bhi. 

Employee Offer Letter

Employee Offer Letter ka intezar sabko hi hota hai, employee offer letter ek aisa letter hai jo employee onboarding mein use hota hai jab koi employee join karta hai usse pahle aap apne ek employee offer letter dete hain. 

Employee offer letter mein bahut sari informations hoti hai jaise company ke bare mein aur employee ki salary aur kuch terms ke bare mein. 

Agar employee join karna chahta hai to offer letter accept karna hota hai kuch given period mai. 

Jaise ek offer letter hota hai onboarding ke liye waise hi theek ek resignation letter bhi hota hai exit ke liye jab koi employee resign dena chahta hai tab use woh letter dena hota hai. 

Aur employee offer letter ye resignation letter donon company ke ceo se sign hota hai.

Aur iske sath aapke pass har document hai jo necessary hai ek business start karne ke liye in india. 

IMPORTANT : YAD SE HAR DOCUMENTS KA DUPLICATE COPY NIKAL LIJIYEGA, THANK YOU. 


Spread the love

Leave a Reply